聖誕快樂

今天是聖誕節~~~

希望大家也能感受到我父神的愛和暖~~~

建立迷你城市

這是一個讓玩家自己建立屬於自己小城市的小遊戲，他們玩法十分簡單，像網頁中的城市就是一個例子，每一個新的朋友(IP)觀看這張網頁就會增加這個城市的人口數喔！

我的城市範例：
http://13th-fleet.myminicity.com/
人口數發展到一定的程度後，就可以發展交通及工業、商~等等，有興趣一起來討論的玩家們發表我們一起來討論喔！

如果你要建立自己的城市，非常簡單喔！只要到他們的首頁就可以馬上申請了

http://www.myminicity.com

不過要注意要選國家，台灣的地點在亞洲的東邊, 香港在大陸的南邊(因該不會有人不知道吧？)

但我自己就選擇日本...哈....

下面的額外發展有人口數的限制喔! 像發展工業要50人.

發展工業: (在網址後加上 /ind ) 需人口數: 50
http://13th-fleet.myminicity.com/ind

發展交通: (在網址後加上 /tra ) 需人口數: 100
http://13th-fleet.myminicity.com/tra

發展安全: (在網址後加上 /sec )
http://13th-fleet.myminicity.com/sec

發展環境: (在網址後加上 /env )
http://13th-fleet.myminicity.com/env

發展商業: (在網址後加上 /com )
http://13th-fleet.myminicity.com/com

基本上都係用黎消磨時間呢~~~

開工大吉

今日第一日返新工....但係咪真係可以開工大吉....
我諗真係要努力D...

講真...工真係一樣....我今次唔可以再咁懶....要GIVEN...AND TAKE.....

希望可以啦...

本來想POST一噚日影左灣仔街市既一張相....但唔小心DELETE左.....今個星期六係長週...去影多一次先.....

明日上珠海...可以影下相...哈哈哈....

擇偶條件....

前幾天又和朋友在MSN中談論擇偶條件....

原來我還是忘了她已經告訴過我了...哈...我真的很笨....

而我的條件原來其實也真的很簡單.....係咩....大家自己睇下...

基本條件如下.......(哈.....)
1. 必須為清楚自己為得救的基督徒<----(一定要~~~)
2. 高.....(點解...因為我都高囉...)
3. 四眼妹....(唔知點解...就係喜歡....)
4. 長頭髮....(其實係超愛直髮....WELL...當然....曲都好睇....可能係年紀大掛....)

哈...好似係好多條件丫呵........哈哈哈.......

希望我真係可以遇到啦....

淘大點心廣告

前幾日已經見到個廣告....

其實都幾攪笑.....講個男主角食蝦餃食到好似kiss咁....女主角見到就向佢發火...男主角由幻想中回來既樣真係一絕...好攪笑...

我幾like呢個廣告....

可惜我冇cap到.....因為我冇得cap...唔知有冇好心人cut出來呢?

星期日在教會招待~~~

今日係我在教會做招待既一日....其實都冇咩特別....坐響門口....派程序表....

今日又再見到華沙了...可惜係我地唔可能會傾到計...因為大家都唔熟....唔緊要啦...只係好好既教友就ok了....

之後雖然都會見特登去搵下佢...望下佢...但...講真...咁又點呢....只係我一霜情願之嘛.....唔通佢會留意我咩.....

之後....一個人傻傻地咁回家去了...

長洲之旅

今個星期五....一個人到長洲去行行...順道幫fat fat小姐減一減肥~~哈....
入到去其實冇咩特別想行....不過俾我見到三粒石一字排....我估其實係同一舊石來的....

之後我地就上左去"北眺亭"....都ok啦...行左上去...唔記得左要大叫...哈.....傻左....
同fat fat小姐分享左d感情上既擔心同憂慮.....減輕左少少....多謝佢....

之後我地行返落山....去左食飯...咁我地就去左食呢個印度烤餅....都幾好食呀....可惜既係我唔記得影相....但個地點都唔難搵....就響碼頭附近....

印度食品小評...
食物: 3星(我點左牛肉咖哩加餅, fat fat點左雞肉咖哩..夾餅都不錯的呢)
服務: 2星(因為我英文唔太好...哈...佢又唔識廣東話...)
環境: 1星...(基本上....酒吧一間)

食飽左我地就去左長洲堂....

....參觀完之後...我地又再出發去張保仔洞了....
但係當我地去到張保仔洞時....well.....原來個洞口好細.....加上我係好怕又迫又窄既地方....(我會有窒息既感覺...)所以我都係決定唔入去了.....不過我都響洞口附近影相....(可借有人玩緊歷奇...唔阻住佢地......)
行完之後..我地原本打算行過去五行石...但基於開始潮漲....我地都係折返....
返左去食糖水....好正....我食左呢個芝麻芒果腸粉同芒果水晶綠茶涼粉....真係一個字...."正"

甜品小評....
食品: 4星(因為夠凍....哈..其實都幾特別, 因為涼粉係綠茶....)
價錢: 2星(其實幾平架....兩款加埋都只係$31)
環境: 2星(因為係細舖仔, 坐登仔)

之後原本想去食一個住響長洲既日本人整既紅豆餅之類既日本甜品....可惜....佢竟然休息....可惜...真係好可惜呢....

見工

今天見到兩份工....但好像見了三份工似的...很辛苦呢....

其實第一份的工作好像不錯...但福利不是太好..但可以去練歌....
第二份是大公司...福利比較好...但....在網上有人話佢內部好有問題....唉...加上冇機會練歌....

希望第一份會請我啦....

Lunch約左珊姐食飯....又要多謝佢杖義陪我食左個lunch....我地去左別府食...個lunch都ok啦....


個人評分~~~

價錢: $54(加一: $59.4)貴....(個人意見)
味道: 3星(一般)
份量: 3星(男仔來說...我大食...唔係好夠)

差傳主日

今日一眾敬拜隊成員在台上穿上了其他國家的民族服裝~~~很攪笑呢....其中康同國梁叔的服飾實在..........令我大聲說出了一些話....希望物主不要介意....哈...

不過今天的華沙穿起韓服也真的很漂亮呢....哈....她真的很似韓國人.......

炒雪糕

今日一個人走到尖沙咀....走呀...走呀....之後在citysuper的一間車仔檔食左呢一個炒雪糕....
其實隻雪糕冇咩特別...我食既係朱古力加豆腐....當中可以有三樣野加入去....
我加左士多啤梨, 藍莓同朱古力....其實只係雪糕撈亂....咪當食下特色野....

個人食評~~~
味道: 3星
外觀: 2星
特色: 3星
價錢: 中上(單球係$28,兩球炒埋係$38)

今日趣聞....

今日約左個獵頭公司見面....因為之後四點又去觀塘見一份工...點知去到佐敦...竟然有人跳樓....WELL...仲攪到好多人睇添...可惜見唔到係咩人.....

不過今日見呢份工都見左我成兩個鐘....但我都幾想響呢間公司既...不過...唉....先天不足....唔緊要啦...































<---- 一班睇表演既有關既專業人仕....

此處不頭痕,自有頭痕處

今天做了一整天的男工....我看來真的好似一個倉務員多過一個採購員....

照呢一個情況黎睇....根本到左個system出左黎..我都一路係咁做....得個執字....

既然係咁...我都係放手吧啦....唔想再去諗咁多野.....

我真係做好我既本份...但都係無安全感...

兩天行程....

11月17日....
今天要上大陸食飯...因為老豆想響大陸幫大佬擺滿月酒...哈哈哈...咁我地就一家人....上晒去(但係bb女同大嫂仲有二嫂都冇上去..)
上去之前..我自己一個人去左沙田間博多度食...well...我只係食左個冷麵餐.....但係我已經決定左下次一定唔會再去..又貴又唔係好食....您地睇下個set lunch....要成$58大元....well...真係好呃錢....
最慘就係冇咩服務.....唉....

之後上到去....咪又係響度玩下呢樣...玩下其他...

冇咩特別咁就返香港....









11月18日....
今日崇拜完左之後....我地食完飯...我同煜文行左去買模型....哈...我都係要買埋TAMAMA....咁我就可以幫佢地合體~~~哈哈哈....

晚上我都係打算響大埔搵佢地一齊食飯....其實...我真係好想住響大埔...唔駛成日走黎走去...不過我又邊有咁多錢買樓呢....唉....

辭職....

今日又想俾辭職信....唉...我最終都係無俾到出黎...

可能我份人就係咁....三心兩意...加上我真係好想去享受0個份成果.....

我明白工作上有好多唔開心既地方..但我都好希望可以完成佢...真係唔想再半途而廢....

我要努力呀~~~

失落....

思念其實是一種罪...有時候...您真的掛念一個人的時候...不是對怹說...因為...可能換回來的...只是冷冷的一句....

我有點後悔打了電話給她...因為好像是我一廂情願打電話給她.......我還是回到那個情況嗎???

李梁聯婚

今天對我來說是黑仔的一天....但對於這對新人來說....是極美的一天...

因為所有的事情都在大家的努力下...順利地完成了....

不過真的替兩位團友開心....拍了五年拖....可以最終走在一起...令我感到又喜又悲....

剪髮後..

本來想在剪完頭髮後影相...但因為自己覺得剪得不錯...所以忘了...哈哈哈...

之後回到教會返晚崇....完了後發生了不愉快的經歷....真的不開心....因為....感覺好像陌生人似的....究竟我們的友誼只是流於表面?

剪髮前

其實剪髮前的頭好煩..又亂....攪到我好難攪掂佢....可能睇唔清....哈...唔緊要...WELL...我都只係影一影出黎~~~~哈....

等我剪左頭髮之後....再POST清楚DD上黎啦~~~哈~

工作疲勞....

工作令我沒有了自己的時間...生活就好像...為了公司一樣....公司的壓力令我真的心灰意冷......

也許是我的心情太差了.....我也許在計較和他們的薪水相差太遠了....我其實只係想穩穩定定咁返工放工...但原來係唔可以架......由我入職開始....我阿頭話希望我可以早d休息...多d出去...但其實...根本都未可以咁做過.....唉....

不過我知道現在係改革當中....係好辛苦...但係...唉..我真係好想有D動力加俾我.....

我真係好累....

希望下個月真係可以唔再咁辛苦啦.....

騎士小說

今日食食下飯....忽然好想寫一個十二星座既騎士物語...哈....唔知我有冇咁既恆心呢....

只係諗到獅子座既盔甲好型....而我自己既星座反而未諗....

其實雙子星又可以好好玩咁喎....well....諗頭太多...要休一休先...

落馬洲過關

某一天和朋友去了落馬洲過關到深圳...

但原來.....所有配套都沒有...害我們都不知如何離開車站...

這個車站真是...........算了吧....

學飲紅酒

自問真係想去學品嚐紅酒..可惜.....沒錢....

有時候真的好想認認真真開一枝..但....沒有經驗....不知那才是好的...哈哈哈.....

也許等到我四十出頭時..才正式去學吧...

扭計骰

小時候的玩意....當年只能弄一至兩面...那已經是很厲害了...但現在的小鬼好像神一樣...十數秒便可將六面完成....揀直係人可以做到...但我聽聞其實是有方法的....不過我聽左之後...覺得已經沒有了那一份趣味了...

而我這一個小小的扭計骰....壽命也有六小時內...因為....一個好重要既問題...就係.....佢係大陸出品....必屬劣品......

晚餐

今日和阿菁的一些朋友為他慶祝生日....

其實我是很累的...不過真的想為她慶祝....說真的....食物的味道一般....可能和她的朋友又不太熟...我也不想多言....哈....唔知點解...都ok既..起碼...我今天也不想說話....

晚上送她到青衣搭車...我們都可以好好的相處...可能話題少了一點....但感覺是十分好的....多謝神為我倆打造美好的時間...

完美主義

今天的工作令我感到更無力....因為總覺得自己做到一個爛攤子....要找人幫手收拾...
今天要多謝六師弟, Herbert, 大師兄, 一眾大陸同事的幫忙....我實在過意不去.....

基本上我真的是完美主義....做得不好便會完全怪自己做不來....唉...令自己的精神壓力加大...完全沒有放鬆下來.....有時候令到身邊人都不好受.....

希望我可以在未來改善一下這些習慣吧....

勾心鬥角

公司的同事...每天都在追迫我...但今天我你細一想...原來別有內情...但也許是我多想...

因為...他們不停要求公司增加人手...但我知道...其實是不用的....所以他們便不停的混亂我....

唉....原來....公司的勾心鬥角....還沒有可以止住...不過不打緊...我沒所謂的....但我不會讓他們奸計得逞~~~~~

嘿嘿嘿.....

大澳的海產

基本上在大澳海產非常的豐富...在平日..活鮮的價錢非常便宜.......如果喜歡吃海產的朋友...不妨花兩小時搭車入去買吧...哈....對呀...因為....您不能隨便用自己的車入去.....要申請的呀....所以如果要入去...一便是去申請禁區紙....二便是乖乖的坐兩小時車入去...

不過如果是我....我寧願入去住一個夜晚....實在是令人心曠神怡~~~

大澳的小巷

其實好喜歡影一些舊的街道....舊的事物....我也是一個懷念的人.....可惜生活令我只會集中如何去搵錢...沒有了當年的心了....

現在當我真的有空閒時...我便會去用手中的傻瓜電話....大拍一番~~~哈哈哈.....希望能有人和我周圍逛吧....

某日隨拍

某日在公司發現自己生左對角....原來係頭髮突左出黎.....攪到我好似某日本漫畫其中一個配角咁...哈...都幾攪笑...

張相我特登影唔到個樣...不過識我既人一定知我係邊個啦....

千祈唔好尋我仇呀~~~

心情反覆...

其實這幾天心情很反覆....
某情度上....我是自己令自己反覆的....
既然將感情的事交到父的手中,又為何要自己搶回來....
加上當自己不開心的時候....反而將自己冰封....更不將自己放開....
唉...我這樣的性格何時才可以改過來....

雀巢---蜂蜜柚子茶

今日中午的時候...買了雀巢的蜂蜜柚子茶來喝...

其實都沒有什麼想喝...但我知道我並不太喜歡喝這個...
我記得是Brooke喜歡並經常喝..我便對它沒有抗拒了....

和Brooke分開後...已經很久沒有喝它...偶爾一年有一兩次吧...當想不到喝什麼時...便會買下它...

不知是不是我這個大傻瓜太傻...又會回憶起這件事....

我想Brooke還是喜歡它吧....

大澳的流浪貓

說真的...其實自己很喜歡貓....因為貓可以自由自在咁周圍走.....由始至終我都未減過咁愛貓...

基本上只要俾我響街度見到貓..我一定會望住佢...同埋會走上前去引下佢....不過貓天生真好怕陌生人(我冇根據架....只係個人感覺...)...所以我多數都唔可以引到佢地...哈....

不過D貓真係好可愛架.....

平淡的開始...

今日星期一...又回到我工作的地方....這個工作地方還未到一個月.....但手上的工作...可以話係整理好...又可以話係未整理好.........

但係因為今日我仲未病好...加上藥力的副作用.....令到我好似咩都諗唔到...空白一片....做野完全入唔到腦...加上個個都話急...我都唔知可以點....日日都急....唉....最慘就係...有好多單貨都趕住十一月廿日走貨..但係個同事就咩都未攪好.....唉....攪到我好多好多野都迫埋一齊.....真係令到我好煩....

究竟我仲要攪幾耐先完呢....

陳陳聯婚

11月3日是我中學同學阿dick的大喜日子...
well...實在替他高興....當然自己都係十分難過...看到自己的朋友一一準備結婚....自己反而是最晚的一個.....唉...其係心酸的...

不過我最想講既...其實係講食...因為...食過咁多次婚宴, 都未食過今次個甜品...真係好正....
1)蘆薈紅豆沙---唔太甜又沙沙地...正到暈...
2)金簿桂花糕---又係一絕....又係唔太甜唔太淡...
真係好想食多一次....

順利的一天

今日其實工作都算順利...只係有D人真係令我好勞氣.......WELL...算....佢唔想做好佢...唔緊要...WELL...但唔好攪到我...我真係會想死...

好快咁處理好之後....就立即七點未夠就走....基本上..我由我開工到左今日...10月12日到11月1日...我可以早過七點走既....用一隻手都數得晒...星期六一點放工計之後係OT....唉.....點都要早D走....

之後入青衣同阿菁食個飯....之後就同佢去搭車...佢覺得我太過健談....唉...其實我覺得...我地做基督徒都要在家裡保護自己.....咁...在教會中同響外面既世界咪係一樣....點解要做到咁呢....

估唔到...有時....人真係不停咁要用磚頭去造城牆.............

樟木頭之行

今日同阿頭一齊上去呢個樟木頭個工廠....WELL..講真其實冇諗過要傾咁多野.....其實真係好多謝HERBERT佢做左好多野...佢實在太好人同埋佢理論上係可以做一個好好既老細.....我好欣賞佢同好尊敬佢......

講返間廠.....其實...好似一個殼咁...咩都冇...有都係多餘既...唉......請左好多人...但係真正做野既又少之又少.....唉..但係為左搵錢...又唔可以冇左呢間野....真係極度矛盾....

不過搭車時都幾得意...因為我反而好似大鄉理咁...見到架火車...其實都好想影下相架...因為真係幾正....唔知香港會唔會再轉呢隻呢....唔記得左係和咩號......不過都幾先進架....

不過今次上大陸都好快....又好快咁回香港....希望唔好成日上來啦....某情度上唔係咁方便架..

大澳之旅(27~28/10)

上星期六同日...我又入左去大澳....因為有兩件事想做....
第一.....入去叉叉電...
第二...............其實係想去見到阿菁......

入去叉電當然就係因為想休息多D...但其實得出黎既結果原來係冇咩休息過....仲辛苦左...哈.....點解?因為入到去都傾計傾到一點幾.....哈.....咁同出面咪一樣....

而見阿菁....係因為佢就來生日...我整左一束塑膠花俾佢.....哈....WELL....其實我都唔知點俾佢好....夜晚俾...好似出事....日頭俾...又唔想咁多人知住.......不過我都係決定日頭俾.....因為....夜晚冇時間同埋佢好累..我想佢多D休息......加上....日頭俾(我仲要響教會入面..)可以減少左一D不必要既事情發生....感謝神在當中有指引......

之後我同佢都有用SMS傾過....佢都想多D認識我先正式開始.....同埋佢都想有野去解決...所以我會不停為佢代禱的了~~~呵呵呵....

咁就過左一日

今天的時間過得好似特別快....求求其其咁就冇晒d時間....我只係想用多d時間去管埋好我d工作....但係....個個都好似覺得我好得閒咁....

上一手留低既"蘇州s"....到左今個星期都一一咁爆出黎....我真係越來越大獲...因為我自己覺得唔可以因為咁推晒俾上一手.....咁都要有人去處理....唉....只有我一個人去處理....其實感到好大壓力...尤其係.....只有我一個撐住...雖然話我阿頭會幫我..但係....都唔能夠成日推佢出黎...因為...佢係睇晒成間公司.....

放工時同回家都好似唔似係一個人咁回人...自己好似變左行屍走肉咁....好似個人咩都冇晒.....唉...做到咁...係唔係一件好事呢....

精神崩潰....

今天的工作令我真的陷入崩潰...說真的...我已經做到超出我職位上的能力....我一個人要面對五個人...五個人加埋一共十幾張單....要一個新入職既人完全緊貼佢地做緊既單.....完全冇可能...但係我都可以緊貼一半...我諗冇咩可能喇掛......

但係工作上的安排..完全超出我的估計.....幫我手的同事....竟然越幫越忙....仲要做一半唔做一半...打好PO之前要FAX俾個客..佢之後唔FAX..交返俾我.....OK..唔緊要....點知...張單仲要有錯....WELL...我要返手返手再返手....我真係做到冇晒心機.....

之後我真係同我阿頭傾...我話做到想喊...佢打趣話你試下喊出黎啦...但佢真係估唔到我真係會喊左出黎...WELL....仲快過十秒....我真係響五秒內喊出兩行眼淚.....嚇親佢地....

安排好人手之後...暫時解決了一部份問題......希望可以解決到啦...

今天又於九點半收工.....和VEREMLI傾左一陣電話....之後再同阿菁吐左一陣苦水........回到家完全沒有胃口食野.......打完呢篇就差唔多訓了....

工作令我做到想喊....

我自問由入職以來都係想攪好個爛攤子....但我既同事一次又一次咁整古我..我真係忍無可忍...大家都係做野...大家都唔想俾人鬧...但係佢野野都攪到自己咩都做唔到...我唔係想話佢..話晒佢都做左咁耐....理論上咩都識....講真...我話佢我自己都唔好意思....

我真係頂佢唔順....WELL....姊妹叫我幫手同佢一齊做....可以的話就LEAD住佢...但係我份人就係唔想咁無晒規矩...唉...真係令到我唔開心....

今晚做到九點十....個TO DO LIST有廿幾樣....仲有D唔知咩既大獲野未加入去....唉...真係想返天家....

小公主出世了

今天是開心的一天...
因為大嫂誕下了一位小公主....WELL...佢實在太得意了....好想好想抱住佢...可惜暫時都唔可以....
之後原本想講俾阿菁知...但好似總係搵唔到佢....加上佢今日第一日返工...我都想了解下佢辛唔辛苦...
之後..我又開始一個人都搵唔到....完全冇人可以俾我去分享我既開心.....好在都仲搵到我個老死EDDIE...傾左一陣..我個心又開心好多...

其實今日大嫂都同我問我做咩仲唔拍拖....講真..我想..但神唔想的話...我會順服...因為我知道我太過野性了.....所以我好想認真的去和求神...問佢係唔係真係俾呢個女仔我去同佢今生今世..真到永遠...希望真係佢啦...我唔想估估下....

今日一路係咁聽英文詩歌....好好聽..WELL...我仲可以練英文添..一舉三得~~~

估不到她會約我...

今早起身既時侯, 收到她的一個短訊...其實真係估唔到佢會send俾我...而呢個短訊仲要係約我出去...
我真係感到幾驚喜...

事源係我前幾日問佢10月19日有咩做...佢就話俾我知約左人...前一晚我都借機問佢我可唔可以見佢...但係我都決定在家休息....點知佢第二日就問我一唔一齊食LUNCH...我真係好開心....立即應承...哈...好似我心急多D...加上我部電腦又死左...唉...點都要出去買零件...咁我就約左佢出去食飯了...

雖然我地相處既時間唔係好多...不過都係開心既...我希望可以多D有呢一類普通既約會...加深我同佢既關係...也知道神是看在眼裡...

我真的要先求衪的國....才能接收衪的義....

第一張隨想 --- 開始...思考...真面目...

今日係第一日開始寫呢個blog......我希望我真係會將自己真正既一面講出黎....
好多時...我唔想好似作故仔俾人聽..我要講晒我內心野....所以呢個blog...我都唔係太想擺相....除非....

希望我都可以每日update呢一個blog~~~